KAPAG NAGAGALIT SIYA, LALO KO SIYANG MINAMAHAL

"Galit ka na naman?"

Ang tanong ko sa kanya.

Di naman siya tumutugon,

Bagkus umiirap pa.

Halos apat na buwan na rin

Mula nang siya ay maging akin

Subalit ang puso ko'y humihiling

"O Diyos, nawa kami'y pagtibayin."

Madalas na ako ay kanyang awayin.

Di ko alam ang dahilan, ayaw niyang sabihin.

Pero, 'pag ganito ako'y kinikilig pa rin.

Iniibig ko siya kahit ang sinta ko'y matampuhin.

Kapag nagagalit ang aking mahal,

Lalong umiigting ang aking pagmamahal

Dahil alam ko na siya ay naghihintay lamang

Na haplusin ko ang kamay at siya ay aking hagkan.

Di man kami laging magkasundo,

Siya lamang ang laman ng aking puso.

Kapag nagagalit siya, lalo ko siyang minamahal.

Kami hanggang wakas ang aking dasal.